Uppspuni
Uppspuni er smáspunaverksmiðja. Sú fyrsta sinnar tegundar á Íslandi.
Hjónin Hulda Brynjólfsdóttir og Tyrfingur Sveinsson bændur í Lækjartúni eiga og reka verksmiðjuna heima á búi sínu samhliða búskap með sauðfé og holdakýr.
Spunaverksmiðjan tók til starfa 1. júlí 2017 og var opnuð formlega 17. mars 2018, þá einnig með lítilli verslun á efri hæð verksmiðjunnar.
Í Uppspuna vinna hjónin nánast alla ull af kindunum sínum, búa til garn í nokkrum ólíkum grófleikum, gera ýmsa aukahluti úr ull og hafa fengið ættingja, nágranna og vini til að koma með ýmiskonar handverk í búðina og hafa þar til sölu.
Hér er boðið upp á kynningu á því sem fer fram í verksmiðjunni, en einnig ýmsan fróðleik um íslensku sauðkindina, ullina af henni, hvað má gera úr henni og hvað hefur verið gert úr henni hingað til.
Uppspuni býður upp á að fólk komi með ull af sínum eigin kindum í verksmiðjuna og fá hana unna í garn.
Uppspuni.is
Uppspuni á facebook
![IMG_0809-1024x683](http://www.ullarvikan.is/wp-content/uploads/2021/04/IMG_0809-1024x683-2-150x150.jpg)
![IMG_0797-1024x683](http://www.ullarvikan.is/wp-content/uploads/2021/04/IMG_0797-1024x683-2-150x150.jpg)
![Uppspuni-Lógó](http://www.ullarvikan.is/wp-content/uploads/2021/04/Uppspuni-Logo-150x150.jpg)
Previous
Next