Íslenska Ullarvikan verður haldin næst 27. september til 3. október 2026!
Ullarvikan á Suðurlandi er haldin annað hvert ár og verður næst 27. september til 3. október 2026.
Þar er íslensku sauðkindinni gert hátt undir höfði, ullinni og handverki. Hátíðin er að stærstum hluta skipulögð og haldin af sjálfboðaliðum sem búa á svæðinu og vinna við íslensku ullina á einn eða annan hátt.
Ullarvikan 2026 mun fara fram með svipuðum hætti og áður (sjá eldri dagskrá hér) þar sem opnir viðburðir eiga sér fastan sess, á borð við rúningu, prjónakaffi, sýningar, fyrirlestra og markað. Þá munu vera haldin námskeið í prjóni, prjónahönnun, spuna, vefnaði, felti, handlitun, jurtalitun svo fátt eitt sé nefnt.
Hátíðin er haldin víða um Suðurlandið; frá Selfossi, austur í Rangárþing og mun eiga sér stað á vinnustofum handverks- og listafólks, garnverslunum, sauðfjárbúum og félagsheimili.
Við hvetjum ykkur til að skrá ykkur á póstlistann okkar til að tryggja að þið fáið nýjustu fréttir um viðburði, skráningar á námskeið o.fl.
Prjónauppskrift íslensku Ullarvikunnar 2026 er komin út og er hægt að nálgast hana ókeypis undir „prjónauppskriftir“ hér að ofan.
